अर्थ व्यवसाय
काठमाडौं । नबिल बैंकले ‘नबिल फोनलोन’को न्यूनतम सीमा र आफ्नो डिजिटल फाइनान्सिङ प्रडक्टको दायरा बढाएको छ ।
यसअघि नबिल फोनलोनको सीमा १ लाख रहेकोमा त्यसलाई बढाएर अब २ लाख पुर्याइएको छ । यस बाहेक यस्तो लोन लिनका लागि योग्य समूहको दायरा पनि केही बढाइएको छ ।
बैंकमा नियमित बचत खाता सञ्चालन गर्ने ग्राहक तथा नबिल बैंकसँग आबद्ध क्यूआर मर्चेन्टहरू पनि फोनलोनका लागि योग्य हुने बैंकले जनाएको छ । यसअघि भने नबिल बैंकमा तलब खाता भएकाहरूले मात्र यस्तो लोनको सुविधा पाइरहेका थिए ।
यो प्रडक्टको प्रभावकारिता, साथै ग्राहकको मागप्रति पनि विश्वस्त रहेको बैंकका एसएमई एन्ड माइक्रोफाइनान्स प्रमुख निरज बस्नेत (डनिल)ले बताए ।
प्रकाशित मिति: बिहीबार, कात्तिक ३, २०७९ १८:१९
प्रतिक्रिया दिनुहोस्