काठमाडौं । नेपालस्थित पाकिस्तानी दूतावासले ११औँ वार्षिक निबन्ध लेखन प्रतियोगिता तथा ७औँ वार्षिक वक्तृत्वकला प्रतियोगिता सम्पन्न गरेको छ ।

निबन्ध लेखन प्रतियोगिताका प्रथम, द्वितीय र तृतीय हुने प्रतियोगीलाई मेडल र नगद पुरस्कार पाए । अन्य १२ प्रतियोगीलाई पनि नगद पुरस्कार प्रदान गरिएको थियो ।

प्रतियोगितामा उत्कृष्ट विद्यार्थीहरूलाई काठमाडौं विश्वविद्यालयमा उपकुलपति प्रा.डा. भोला थापाले पुरस्कार वितरण गरेका थिए ।

निबन्ध लेखनको शीर्षक 'दक्षिण एसियाली मुलुकको आर्थिक तथा सामाजिक उत्थानमा क्षेत्रीय सम्बन्ध विस्तारको भूमिका'सँग सम्बन्धित थियो ।

वकृत्वकला प्रतियोगिताको शीर्षक 'दक्षिण एसियाको आर्थिक विकासमा महिलाको भूमिका'सँग सम्बन्धित थियो । प्रतियोगितामा प्रथम, द्वितीय र तृतीय भएका विद्यार्थीलाई उपहार तथा नगद पुरस्कार प्रदान गरिएको थियो । अन्य १३ प्रतियोगीलाई पनि पुरस्कार दिइएको थियो ।

कार्यक्रममा उपकुलपति थापाले शिक्षा क्षेत्रमा प्राविधिक र निरन्तर सहयोग गरेको भन्दै पाकिस्तानको प्रशंसा गरे ।

पाकिस्तानी राजदूत अबरार एच हास्मिनले प्रतियोगितामा सहभागी विद्यार्थीहरूको आलोचनात्मक सोचको प्रशंसा गरे ।