काठमाडौं । साहित्यिक पत्रकार संघले विभिन्न कविलाई ‘व्यथित काव्य सम्मान’ प्रदान गर्ने घोषणा गरेको छ । संघले कविहरू उदय निरौलालाई २०७४ सालको, श्रवण मुकारुङलाई २०७५ सालको, रमेश श्रेष्ठलाई २०७६, कृसु क्षेत्रीलाई २०७७, मोमिला जोशीलाई २०७८ र गीता कार्कीलाई २०७९ सालको ‘व्यथित काव्य सम्मान’बाट समानित गरिने जनाएको छ । 

संघले ‘व्यथित काव्य डायसपोरा सम्मान’बाट कविहरू हेमन्त श्रेष्ठ (अमेरिका), गोवद्र्धन पूजा (अमेरिका), भीमसेन सापकोटा (अस्ट्रेलिया), प्रकाश पौडेल माइला (जापान), जगत नवोदित (बेलायत) र शकुन ज्ञवाली (अमेरिका) लाई पनि प्रदान गर्ने जनाएको छ ।