काठमाडौं । मधेस प्रदेशले नवौँ राष्ट्रिय खेलकुदको महिला क्रिकेटमा बिहीबार सुदूरपश्चिम प्रदेशलाई १५ रनले पराजित गरेको छ । मधेसको यो लगातार दोस्रो जित हो ।

पोखरास्थित क्रिकेट रंगशालामा टस जितेर ब्याटिङ गरेको मधेसले निर्धारित २० ओभरमा ९ विकेट गुमाएर ९१ रन बनाएको थियो । ९२ रनको लक्ष्य पछ्याएको सुदूरपश्चिमले ८ विकेट गुमाएर ७६ रनमात्र बनाउन सक्यो ।

दोस्रो जितसँगै ४ अंक जोडेको मधेस समूह ‘ए’को दोस्रो स्थानमा छ । समान ४ अंक जोडेको एपीएफ रनरेटका आधरमा शीर्ष स्थानमा छ । पराजित सुदूरपश्चिम र वाग्मतीले समान दुई अंक जोडेका छन् । यस समूहमा गण्डकीले कुनै अंक जोड्न सकेको छैन ।

मधेसका लागि साना प्रवीनले ३५ रन बनाए । गोमा आलेले १० रन बनाइन् । मधेसले अतिरिक्त मात्रै २५ रन पाएको थियो । सुदूरपश्चिमकी सावित्री धामीले ४ विकेट लिइन् । यशु पाण्डे र मनिषा चौधरीले एक एक रन बनाए । 

९२ रनको लक्ष्य पछ्याएको सुदूरपश्चिमकका लागि रितु कनौजियाले २७, रुवि पोदारले १२ र यशोदा विष्टले अविजित ११ रन बनाए । अन्यले दोहोरो अंकमा रन बनाउन सकेनन् । 

मधेस प्रदेशका सन्तोषी चौधरी, अनुराधा चौधरी र शान्ती चौधरीले समान दुई विकेट लिए । सरस्वती कुमारीको नाममा एक विकेट रह्यो ।