काठमाडौं । माछापुच्छ्रे बैंक २३औँ वर्षमा प्रवेश गरेको छ । यो बैंक २२ वर्षअघि पोखरामा क्षेत्रीय बैंकका रूपमा स्थापना गरिएको थियो ।

२३औँ वर्षमा प्रवेश गरेको अवसरमा एक कार्यक्रम गरी माछापुच्छ्रेमा २० वर्षभन्दा बढी निरन्तर सेवा गरिरहेका कर्मचारीहरूलाई सम्मान गरिएको छ ।

यस्तै, बैंकको २२औँ वार्षिकोत्सवका अवसरमा विभिन्न क्यासब्याक तथा डिस्काउन्ट अफरहरू समेत ल्याइएको छ ।

यो बैंकका हाल १६५ शाखा, १७४ शाखारहित बंैकिङ, १० एक्सटेन्सन काउन्टर र २०५ एटीएमहरू सञ्चालनमा रहेका जनाइएको छ ।