तेहरान । इरानका राष्ट्रपति इब्राहिम राईसीले मुलुकमा भइरहेको ‘अराजकता’लाई स्वीकार नगर्ने चेतावनी दिएका छन् । 

प्रहरी हिरासतमा रहेकी २२ वर्षीया युवती महसा अमिनीको मृत्यु भएपछि इरानमा दुई सातादेखि चर्को प्रदर्शन भइरहेको छ । जनप्रदर्शन रोक्न नसकेपछि राष्ट्रपति राईसीले जनतालाई यस्तो चेतावनी दिएका हुन् ।

राष्ट्रपति राईसीले भने, “महसा अमिनीको मृत्युले हामी सबैलाई दुःखी बनाएको छ । तर, सरकारले मानिसहरूलाई दंगा गरेर समाजको शान्ति भंग गर्न अनुमति दिन सक्दैन ।”

जारी प्रदर्शनमा हालसम्म ७६ भन्दा बढी मानिसले ज्यान गुमाइसकेका छन् । सरकारी सञ्चारमाध्यमका अनुसार सुरक्षाकर्मीसहित ४१ जनाको ज्यान गएको र एक हजार २०० भन्दा बढीलाई पक्राउ गरेको बेलायती समाचार संस्था बीबीसीले जनाएको छ । 

स्रोत : बीबीसी