काठमाडौं । साओमी नेपालले साओमी स्मार्ट एयर फ्रायरसँगै स्मार्ट टीभीको लाइनअप सार्वजनिक गरेको छ ।

स्मार्ट टीभी लाइनअपमा रेडमी स्मार्ट टीभी एक्स सिरिजअन्तर्गत एक्सएल अनुभव प्रदान गर्ने रेड्मी स्मार्ट टीभी एक्स ४३,  रेड्मी स्मार्ट टीभी ४३ फुल एचडी, एमआई ५ एक्स ४३, साओमी टीभी एक्स–सिरिज एक्स ५५ र एमआई टीभी ५ ए ४३ मीको सबैभन्दा ठूलो प्रिमियम फ्यागसिप टीभी एमआई क्यूएलईडी टीभी ७५ रहेका छन् ।

एमआई क्यूएलईडी टीभी ७५ ले घरमै उत्कृष्ट सिनेमाको अनुभव प्रदान गर्ने साओमी नेपालका कन्ट्री जेनेरल म्यानेजर अमित कुमार पंडाले बताए । नेपालमा स्मार्ट एयर फ्रायरको बजार तीव्र रूपमा बढ्दै गएको उनले दाबी गरे ।

एमआई टीभी क्यूएलईडी ७५ मा विशाल ७५ इन्चको एज–टू–एज डिस्प्ले रहेको छ । ९७ प्रतिशत स्क्रिन–टू–बडीको साथ यो टीभी एल्युमिनियम फ्रेम, लेजर प्रेसिजन र स्यान्डब्लास्टिङको साथ प्रिमियम मेटालिक लुक रहेको छ । 

टीभीको पछाडिको भागबाट पनि प्रिमियम डिजाइनका लागि कार्बन फाइबर फिल्मले ढाकिएको छ । यसमा भएको नयाँ प्रिमियम ‘फ्लोटिंग स्ट्यान्ड’ले पछिल्लो फ्ल्यागसिप भन्दा नयाँ लुक दिने कम्पनीले दाबी गरेको छ ।

एमआई क्यूएलईडी टीभी ७५ को मूल्य २ लाख ९९ हजार ९९९ रुपैयाँ र साओमी स्मार्ट एयर फ्रायरको मूल्य १२ हजार ४९९ रुपैयाँ रहेको छ ।