काठमाडौं । भक्तपुरमा १९ वर्षीया किशोरीमाथि बलात्कार गरेको आरोपमा एकजना पक्राउ परेका छन् ।

पक्राउ पर्नेमा रामेछापको उमाकुण्ड गाउँपालिका–३ घर भई भक्तपुरको चाँगुनारायण नगरपालिका–२, दुवाकोट तल्लो हाइट बस्दै आएका ३९ वर्षीय जयन्त थापा छन् ।

गएको भदौ २१ गते दिउँसो थापाले ती किशोरीलाई आफ्नै कोठामा लगी बलात्कार गरेर फरार रहेको जाहेरी परेको प्रहरीले जनाएको छ ।

प्रहरी वृत्त थिमिबाट खटिएको टोलीले उनलाई पक्राउ गरेको जनाइएको छ ।