site stats
बाह्रखरी :: Baahrakhari
देश
Global Ime bankGlobal Ime bank
विभिन्न कार्यक्रमका साथ मनाइयाे अन्तर्राष्ट्रिय आप्रवासी दिवस

काठमाडाैं । अन्तर्राष्ट्रिय आप्रवासी दिवस नेपालमा पनि विभिन्न कार्यक्रमको आयोजना गरी मनाइएको छ । संयुक्त राष्ट्रसंघले सन् १९९० डिसेम्बर १८ मा आप्रवासी श्रमिक र तिनका परिवारका सदस्यको अधिकार संरक्षणसम्बन्धी महासन्धि पारित गरेको दिनको सम्झनामा विश्वभर अन्तर्राष्ट्रिय आप्रवासी दिवस मनाइएको हो ।

दिवसको सन्दर्भ पारेर नेपालमा ‘सुरक्षित आप्रवासनका आधार, सूचना र सीपसहितको रोजगार’ भन्ने नाराका साथ श्रम, रोजगार तथा सामाजिक सुरक्षा मन्त्रालयअन्तर्गत आप्रवासी श्रमिक दिवस मूल समारोह समितिले काठमाडौंमा विशेष कार्यक्रमको आयोजना गरेको थियो ।

कार्यक्रममा श्रम, रोजगार तथा सामाजिक सुरक्षामन्त्री शरदसिंह भण्डारीले वैदेशिक रोजगारीमा जाने युवाहरूको हकमा विनाधितो ऋण प्रदान गर्ने र यसका कारण धेरै ब्याजदरमा ऋण लिएर विदेश जानुपर्ने अवस्थाको अन्त्य हुने बताए । उनले श्रमका लागि विदेश गएका युवाको सामाजिक सुरक्षालाई प्रभावकारी बनाउका लागि सरकारले ध्यान केन्द्रित गरेको उल्लेख गरे । 

उनले देशकै सबै पालिकाबाट रोजगार केन्द्रको सेवा आरम्भ गर्ने र प्रविधिको माध्यमबाट अभिलेखीकरण गरिने बताए । श्रम मन्त्रालयमार्फत आन्तरिक रोजगार महाशाखाको प्रस्ताव मन्त्रिपरिषद्मा पठाएको भन्दै उनले आन्तरिक रोजगारका बारेमा संस्थागत रूपमा काम गरिने जानकारी दिए । 

अन्तर्राष्ट्रिय आप्रवासन संगठन (आइओइम)द्वारा प्रकाशित विश्व आप्रवासन प्रतिवेदन, २०२४ अनुसार विश्वभरि अनुमानित २८ दशमलव एक करोड मानिस आप्रवासीका रूपमा रहेका छन् । जसमध्ये आप्रवासी श्रमिकको संख्या १६ दशमलव नौ करोड छ । 

नेपालबाट आर्थिक वर्ष ०८०÷८१ मा वैदेशिक रोजगार विभागबाट श्रम स्वीकृति लिई सात लाख ४१ हजार दुई सय ९७ जना श्रमिक वैदेशिक रोजगारीमा गएका छन् ।

प्रकाशित मिति: बुधबार, पुस ३, २०८१  १६:१६
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro