काठमाडौं । टुबोर्ग ओपन २०२२ ले राष्ट्रिय र अन्तर्राष्ट्रिय कलाकारहरुको सहकार्यबाट नयाँ गीत ‘खोलौँ रमेर’ सार्वजनिक गरेको छ । टुबोर्ग नेपाल युट्युब च्यानलबाट गीत सार्वजनिक गरिएको छ । 

सार्वजनिक गीतमा ‘भेक्’ले प्रस्तुति दिएका छन् । लस् एन्जेलसमा जेसनको मेन्टरसिपबाट सबै सिकेका कुराहरु आत्मसात गर्दै भेक्ले टुबोर्ग ओपेन २०२२ को लागि आफ्नो नयाँ गीत प्रस्तुत गरेका छन् ।

टुबोर्ग ओपनले आफ्नो पाँचौँ वर्षको सुरुवात जेसन डेरुलोको मेन्टरसिपमा भेक्को नयाँ गीत ‘खोलौँ रमेर’को साथमा गरेको छ । टुबोर्गले नेपाली संगीत उद्योगको उत्थानका लागि सधैँ काम गर्दै आएको जनाएको छ ।

लामो समयदेखि टुबोर्ग संगीतसँग जोडिदै आएको गोर्खा ब्रुअरीका मार्केटिङ डिरेक्टर आशिष विष्टले बताए ।

“टुबोर्गले नेपाली सांगीतिक जगतको उत्थानका लागि सधैँ सम्भवत् रुपमा काम गर्दै आएको छ । टुबोर्ग ओपन २०२२ अभियान सोही उद्देश्यको पहल हो, जहाँ हामीले नेपालका उदीयमान कलाकारहरुलाई उनीहरुको प्रतिभा प्रदर्शन गर्न प्लेटफर्म प्रदान गरेका छौँ,” उनले भने, “हामी यस वर्षका लागि जेसन डेरुलो र भेक्सँग सहकार्यको लागि निकै उत्साहित छौँ र दर्शकहरुले दिनुभएको सकारात्मक प्रतिक्रियाहरुबाट निकै खुसी छौँ ।”