युक्रेन (किभ) । युक्रेनले रुसको नियन्त्रणबाट फिर्ता लिएको केही दिनपछि इज्युम सहर बाहिर सयौँ व्यक्तिको सामूहिक चिहान फेला परेको बताएको छ । 

युक्रेनी फौज अघि बढ्ने क्रममा एउटा जंगलमा फेला परेको ती चिहानमा गाडिएका शवका क्रसमा संख्या मात्र उल्लेख गरिएको बताइएको छ । 

युक्रेनको स्थानीय निकायले शुक्रबार केही चिहानबाट शव निकाल्ने योजना रहेको बताएको छ । ती पीडितहरूलाई के भएको होला भन्ने स्पष्ट भएको छैन । तर, प्रारम्भिक अनुसन्धानका अनुसार उनीहरूमध्ये केहीको गोलाबारीमा घाइते भएर उपचार नपाएपछि मृत्यु भएको हुनुपर्ने अनुमान गरिएको छ । 

युक्रेनको राष्ट्रिय प्रहरी सेवाका प्रमुख इहोर क्लिमेन्कोले अधिकांश शव सर्वसाधारणको भएको र त्यहाँ सेनाका शव पनि गाडिएको हुनुपर्ने विश्वास गरिएको बताएका छन् । 

यसअघि युक्रेनको सरकारी निकायले त्यहाँ चारसय वटा भन्दा बढी शव गाडिएको हुनुपर्ने बीबीसीलाई बताएको थियो ।

युक्रेनी राष्ट्रपति भोलोदिमिर जेलेन्स्कीका वरिष्ठ सल्लाहकार मिखाइलो पोदोल्याकले केही स्वतन्त्र गरिएका क्षेत्रका थुप्रै स्थानमा सामूहिक चिहानहरू पmेला परेको बताएका छन् । 

संयुक्त राष्ट्र संघले केही दिनमा त्यहाँ एक अनुगमन टोली पठाउने बताएको छ । 

युुद्धका सुरुका दिनमा आक्रमणमा परेको इज्युम सहरलाई रुसले पूर्वतर्फ फौज परिचालन गर्ने प्रमुख सैनिक केन्द्रको रूपमा प्रयोग गर्दै आएको थियो ।  

बीबीसीबाट ।