काठमाडौं । नमस्ते पे ले दसैँ, तिहार तथा छठ पर्वलाई समेट्नेगरी फेस्टिभ क्याम्पेन ल्याएको छ । यस अभियानमा ४९ दिनसम्म नमस्ते पे प्रयोगकर्ताहरूले विभिन्न अफर पाउनेछन् । अभियानमा बम्पर अफरको रूपमा, सात भाग्यशाली विजेताहरूले शतप्रतिशत क्यासब्याक प्राप्त गर्नेछन् ।

प्रयोगकर्ताहरूले जति धेरै कारेबार गर्नेछन्, त्यति नै धेरै भाग्यशाली विजेता बन्ने र शतप्रतिशत क्यासब्याक पाउने मौका हुनेछ । अभियान अवधिको बीचमा कुनै पनि सेवाहरू (वालेट टू वालेट ट्रान्सफर र लोड फण्ड बाहेक) को कारोबार गर्ने प्रयोगकर्ताहरू बम्पर योजनामा सहभागी हुन योग्य हुनेछन् ।

नमस्ते पेमार्फत युटिलिटी बिलहरू भुक्तानी गर्दा प्रत्येक हप्ता एक भाग्यशाली विजेताको वर्षभरिको बिल नमस्ते पेले तिरिदिने अफर रहेको छ । हवाई टिकट खरिद गर्दा हरेक हप्ता एक जना भाग्यशाली विजेताले एक हजार रूपैयाँ क्यासब्याक पाउनेछन् बताइएको छ । त्यस्तै अभियानको अन्त्यमा दुई जना भाग्यशाली विजेताले पोखराको राउन्ड हवाई टिकट निःशुल्क पाउनेछन् ।

दसैँ दक्षिणाको रूपमा, आफ्नो परिवार र आफन्तहरूलाई वालेट टू वालेट ट्रान्सफर गर्ने २० जना भाग्यशाली प्रयोगकर्ताहरूले शतप्रतिशत क्यासब्याक पाउनेछन् । त्यस्तै, अभियान अवधिभर सबै प्रयोगकर्ताले मोबाइल टपअपमा १० प्रतिशत ब्यासब्याक वा अधिकतम १० रुपैयाँसम्म पाउनेछन् । प्रयोगकर्ताहरूलाई प्रोमोकोड उपलब्ध गराइने जानकारी दिइएको छ । उक्त प्रोमोकोड तीन पटक रिडिम गर्न सकिने छ ।

साथै, नमस्ते पेले भ्वाइस र डेटा प्याकहरू, बिलहरूको भुक्तानी, मर्चेन्ट भुक्तानीहरू, हवाई टिकटहरू आदि सहित विभिन्न सेवाहरूमा विभिन्न फ्ल्यास अफर प्रदान गर्नेछ ।