सोल । दक्षिण कोरियामा भूमिगत कार पार्किङ डुबान हुँदा सातजनाको मृत्यु भएको छ । 

‘हिन्नाम्नोर’ नामक तुफानपछि भएको भीषण वर्षाको पानी भूमिगत पार्किङमा पसेको थियो । आफ्नो कार निकाल्न त्यहाँ गएका उनीहरू अचानक पसेको पानीमा डुबेका थिए । 

उद्धारकर्मीहरूले दुईजनालाई जीवितै उद्धार गरेका छन् । उनीहरू १२ घन्टासम्म छतको पाइपमा झुण्डिएर बसेका थिए । 

यसै साताको सुरुमा आएको चक्रवात आँधी हिन्नाम्नोर दक्षिण कोरियामा यसवर्ष आएको अहिलेसम्मकै सबैभन्दा शक्तिशाली आँधी हो । 

योन्हाप न्युज साइटका अनुसार ती पीडित नौजना व्यक्ति त्यही भवनको अपार्टमेन्टमा बस्दै आएका थिए र उनीहरूलाई सोही दिन बिहानै व्यवस्थापन कार्यालयले कार पार्कबाट आफ्नो कार निकाल्न अनुरोध गरेको थियो । 

जीवित उद्धार गरिएका ३० वर्षीय पुरुष र ५० वर्षीया महिलाको अवस्था स्थिर रहेको बताइएको छ । 

दक्षिण कोरियाली राष्ट्रपति युन सुक–एओलले यस घटनाप्रति दुःख व्यक्त गर्दै आफू रातभरि निदाउँनै नसकेको बताएका छन् ।  

बीबीसीबाट ।