काठमाडौं । काठमाडौं उपत्यकामा धुमधामका साथ मनाइने इन्द्रजात्राको तयारी तीव्र पारिएको छ ।

इन्द्रजात्राका लागि काठमाडौंको हनुमानढोकामा रहेको गद्दी बैठकमा रङरोगनको काम भइरहेको छ भने कुमारी घर र मठमन्दिरलगायतमा साजसज्जाको काम भइरहेको छ ।

त्यस्तै, इन्द्रजात्रामा कुमारी, भैरव र गणेशका रथलाई पनि तयारी अवस्थामा राखिएको छ । भदौ २२ गते बिहानको शुभ साइतमा इन्द्रध्वज (यःसिँ) उठाएपछि विधिवत् रूपमा सुरु हुने जात्रा २४ गते इन्द्रजात्राका दिनमा राष्ट्रपति लगाएयका उच्च पदस्थ व्यक्तिहरू सहभागी भई जात्रा अवलोकन गर्ने परम्परा छ ।

जात्रा भदौ २९ गते समापन हुन्छ ।

तस्बिरहरू : अभिषेक महर्जन/बाह्रखरी