काठमाडौं । बजारमा सुनचाँदी खरिद गर्ने ग्राहकरूको भिड लागेको छ । आज तिहारको पहिलो दिन धन्तेरसमा सुनचाँदीको सबैभन्दा बढी कारोबार हुने गर्छ । 

ग्राहकहरूले सुनचाँदीको सामान १० दिन अगाडि अर्डर गर्ने र धन्तेरसको दिन किन्ने गर्छन् । धन्तेरसको दिन अन्य वर्षभर हुने जस्तो भन्दा धेरै सुनचाँदीको कारोबार हुन्छ । व्यापार पनि धन्तेरसको दिन नै सबैभन्दा बढी हुन्छ ।

पछिल्लो समय नेपाली बजारमा तरलता अभाव भएको भन्दै नेपालीहरूसँग नगद अभाव भएको भनिए पनि बजारमा लाखौँको कारोबार भने भइरहेको छ ।

नेपाल सुनचाँदी व्यवसायी महासंघ अध्यक्ष मणिकरत्न शाक्यका अनुसार अहिले दैनिक ३५ केजीसम्म सुनको कारोबार भइरहेको छ । धन्तेरसको दिन ५० केजी सुन कारोबार हुन्छ । चाँदीको अन्य दिनमा ३०० केजी गहना बिक्री हुने गरेकोमा धन्तेरसको दिन एक हजार केजी चाँदीको गहना र भाँडाकुँडा बिक्री हुने गरेको उनी बताउँछन् ।

तस्बिरहरू : अभिषेक महर्जन/बाह्रखरी