काठमाडौं । ब्रिटिस–गोर्खा भूतपूर्व सैनिक संगठन (बिगेसो) सिंगापुर गोर्खाज् विभागले समान अधिकारको माग गर्दै काठमाडौंमा विरोध प्रदर्शन गरेको छ । 

ब्रिटिस गोर्खा सैनिकअन्तर्गत भर्ती भएका सिंगापुर पुलिस फोर्सलाई समान अधिकार दिनुपर्नेलगायत माग राख्दै उनीहरूले प्रदर्शन गरेका हुन् । 

बेलायतले भर्ती गरेर सिंगापुर लगिएपनि सिंगापुरका सैनिकसरह गोर्खाहरूको तलब, सेवा सुविधा नभएकाले चरणबद्ध आन्दोलनमा रहेको उनीहरूले बताएका छन् । 

यसअघि उनीहरूले रत्नपार्कदेखि लैनचौरस्थित बेलायती दूतावासम्म जुलुस प्रदर्शन गर्दै आफ्ना मागबारे ध्यानाकर्षण पत्र बुझाएको थिए ।