काठमाडौं । काठमाडौंका प्रमुख जात्रामध्येको एक इन्द्रजात्राको तयारी सुरु भएको छ ।

जात्रा नजिकिएसँगै वसन्तपुर दरबारमा रङरोगन थालिएको छ । अबको दुई सातापछि सुरु हुने इन्द्रजात्रा काठमाडौंको एक ठुलो र महत्त्वपूर्ण जात्रा हो ।

आठ दिनसम्म मनाइने जात्रामा जीवित देवी कुमारी, गणेश र भैरवको रथयात्रा हुने गर्छ । रथयात्रा हेर्न राष्ट्र प्रमुखसहित देश र विदेशका कूटनीतिज्ञ उपस्थित हुने गर्छन् ।

अहिले इन्द्रजात्राको तयारीस्वरूप मठमन्दिर तथा दरबारहरूको सरसफाइ र रङरोगनको काम भइरहेको छ  ।

तस्बिरहरू : अभिषेक महर्जन/बाह्रखरी