काठमडौं । नेपालका लागि बेलायती राजदूत निकोला क्याथरिन पोलिटले नेपालमा संक्रमणकालीन न्यायबारे चासो राखेकी छन् । बिहीबार गृहमन्त्री बालकृष्ण खाणसँग भएको भेटवार्तामा राजदूत पोलिटले नेपालको शान्ति प्रक्रियामा चासो देखाएकी हुन् ।

जवाफमा गृहमन्त्री खाँणले राजनीतिक द्वन्द्व व्यवस्थापनका लागि सरकार विभिन्न राजनीतिक समूह र विद्रोहीसँग गरिएका सहमति कार्यान्वयनका लागि प्रतिवद्ध रहेको बताए ।

उनले नेत्रविक्रम चन्द 'विप्लव', जनमत पार्टी र थारू कल्याणकारी सभासँग भएका सहमति कार्यान्वयनको चरणमा रहेको पनि जानकारी दिए ।

साथै खाँणले नेपालको संक्रमणकालीन अवस्थालाई निराकरण गर्न अन्तर्राष्ट्रिय नियोग र विदेशी समुदायले प्रदान गरेको सहयोगका लागि धन्यवाद व्यक्त गरे ।