काठमाडौं । सिरहा भलुवाही पदमपुरका समाजसेवीहरू सम्मिलित संस्था मिलिजुली समूहले तीज विशेष कार्यक्रम सम्पन्न गरेको छ ।

बुधबार काठमाडौंमा आयोजित कार्यक्रममा समूहले समाजसेवी कुशेश्वर अधिकारीलाई सम्मान गरेको छ । 

तीज कार्यक्रममा भलुवाही पदमपुरका महिलाहरूको बाक्लो उपस्थिति थियो ।

कार्यक्रममा प्रदीपकुमार अर्याल, ज्ञानी देवी ढकाल, अवधेश गौतम, जीवछ गुप्ता, सुशीला ढकाल, नत्थु बाँस्कोटा, मनिषा भट्टराई, ममता बाँस्कोटालगायतले बोलेका थिए ।

काठमाडौंमा बसोबास गर्दै आएका भलुवाही पदमपुरका बासिन्दाहरूका बीचमा आपसी सम्बन्ध घनिष्ठ रहोस् भन्ने उद्देश्यले संस्थाको स्थापना गरिएको समूहका अध्यक्ष अवधेश गौतमले बताए ।