नैरोबी । केन्याको राष्ट्रपतिमा विलियम रुटो विजयी भएका छन् । 

उनले झिनो मतान्तरले आफ्ना प्रतिद्वन्द्वी राइला ओडिन्गालाई पराजित गरेका हुन् । आधिकारिक मत परिणामअनुसार उनले कुल खसेको मत मध्ये ५० दशमलव ५ प्रतिशत मत हासिल गरेका छन् । 

ओडिन्गाका पक्षधरले चुनावमा धाँधली भएको आरोप लगाएपछि झडप पनि सुुरु भएकाले चुनाव परिणाम घोषणा ढिलो हुन पुगेको थियो । चुनाव आयोगका सातजनामध्ये चारजना सदस्यले पारदर्शीताको कमी रहेको भन्दै चुनावी परिणामलाई अनुमोदन गर्न अस्वीकार गरेका थिए । 

५५ वर्षीय रुटोले पहिलोचोटि राष्ट्रपति पदका लागि चुनाव लडेका हुन् । उनले दश वर्षसम्म उपराष्ट्रपतिको भूमिका निभाइसकेका छन् । ओडिन्गालाई आफ्नो उत्तराधिकारी बनाउन चाहने राष्ट्रपति उहुरु केन्यात्तासँग उनको असहमति र मतभेद भएको थियो ।

बीबीसीबाट ।