काठमाडौं । विश्वव्यापी अग्रणी स्मार्टफोन ब्रान्ड, भिभोले आज (बिहीबार) आफ्नो सर्वाधिक रुचाइएको स्मार्टफोनमध्ये एक भी २१ई को मूल्य घटाएको छ । 

भिभोले भी २१ई को मूल्य दुई हजार रुपैयाँले घटेको बताएको छ । यो अब नयाँ मूल्य ३७ हजार ९९९ रुपैयाँमा उपलब्ध हुनेछ । यो नयाँ मूल्य देशभरका सबै रिटेल स्टोर र इकमर्समा लागू हुनेछ ।

भिभो नेपालका सीईओ माइकलले भने, “भिभोमा, हामी हाम्रा ग्राहकहरूको जीवनलाई समृद्ध बनाउन सधैँ उत्साहित छौँ र यो मूल्य घटेको घोषणासँगै नेपाली ग्राहकहरूका लागि हाम्रो प्रतिबद्धता पूरा गर्ने आशा गर्छौँ । भी २१ई एक सुविधायुक्त स्मार्टफोन हो जसले प्रयोगकर्ताहरूलाई उनीहरूका सबै विशेष क्षणहरू खिच्न उत्कृष्ट फ्रन्ट क्यामेरा प्रदान गर्दछ । भिभोमा, हामी हाम्रा उपभोक्ताहरूलाई उत्कृष्ट प्रविधिहरू प्रदान गर्न निरन्तर तत्पर छौं ।”

भी २१ई मा ४४ एमपीआई अटोफोकस फ्रन्ट क्यामेरा जडान गरिएको छ ।