काठमाडौं । विराटनगरमा टीभीएस मोटरसाइकलको एओजी राइड सम्पन्न भएको छ । नेपालमा टीभीएसका टू–ह्विलर्सको आधिकारिक बिक्रेता जगदम्बा मोटर्स प्रालिले शनिबार एओजी राइड सम्पन्न गरेको हो । राइडमा ३५ जना मात्र सहभागी थिए ।

कम्पनीले आफ्ना ग्राहकलाई रोमाञ्चक राइडमा सहभागी गराउन ‘अपाचे अनर्स ग्रुप–एओजी’ नामक राइड ग्रुप बनाएको छ ।  राइड विराटनगरको महेन्द्र चोकदेखि सुरु भएर नेता चोक–विराट चोकदेखि इटहरी–इनरुवा हुँदै कोशी टप्पुस्थित अकवा बर्ड इको रिसोर्टसम्म पुगेको थियो ।

राइडमा विभिन्न पेसाका सहभागीले भाग लिएका थिए । सहभागिताका लागि २०० भन्दा धेरै आवेदन फारम परेका थिए । छनोट प्रक्रिया अनुसार ३५ जनालाई सहभागी गराइएको कम्पनीले बताएको छ । विराटनगरमा भएको उक्त संस्करणका लागि दर्ता गरेका बाँकी राइडरलाई भविष्यमा विराटनरगमै हुने अन्य संस्करणमा सहभागी गराइने कम्पनीको भनाइ छ ।