जनकपुरधाम । महोत्तरीको बर्दिवासमा आगलागी भएको छ । सोमबार बर्दिबास बजारस्थित सिद्धार्थ बैंकको भवन रहेको माथिल्लो तल्लामा आगलागी भएको हो । तीन तले भवनको जिम हलमा आगलागी भएको छ । 

दोस्रो तलामा सिद्धार्थ बैंकको शाखा कार्यालय छ । प्रहरी र स्थानीयबासीले आगलागी नियन्त्रणमा लिने प्रयास गरिरहेका छन् । बर्दिवास नगरपालिका र जनकपुर उपमहानगरपालिकाका दुईवटा वारुण यन्त्रले आगो निभाइरहेको बताइएको छ ।