विराटनगर । काठमाडाैं विश्वविद्यालयको विस्तारित कार्यक्रमसहित प्रदेश १ मा एस्पायर कलेजले शैक्षिक कार्यक्रम सुरु गरेको छ । 

काठमाडाैं विश्वविद्यालयले नेपाल र अन्तर्राष्ट्रिय बजारका माग, आवश्यकताका आधारमा शैक्षिक कार्यक्रमहरू विकास गर्दै आएकोमा प्रदेश एकमा समेत शैक्षिक कार्यक्रम सुरु गरिएको कलेजले मंगलबार प्रकाशन गरेको विज्ञप्तिमा जनाइएको छ ।

बिटेक एडआईटी चार वर्षे, ब्याचलर इन प्रोफेसनल हस्पिटालिटी कार्यक्रमहरू विराटनगरमा एस्पायर कलेजबाट सञ्चालन हुने भएको हो । 

एस्पायर कलेजका अध्यक्ष विकास अधिकारी अधिकारीद्वारा प्रकाशन गरिएको विज्ञप्तिमा कलेज मलाय रोड पुरानो होमियोपेथिक कलेज भवन विराटनगर १४ मा सञ्चालन हुने जनाइएको छ । 

दश जाेड दुई उत्तीर्ण विद्यार्थी काठमाडाैं विश्वविद्यालेकाे विस्तारित स्नातक कार्यक्रममा यसै शैक्षिक वर्षबाट भर्ना हुन सक्नेछन् । नतिजा पर्खिरहेका विधार्थीहरूले आवेदन दिन पाउने छन् ।