काठमाडौं । बजारमा विभिन्न वस्तु तथा सेवाको मूल्य घटाए/नघटाएको सम्बन्धमा सरकारी निकायबाट अनुगमन गरिने भएको छ । पेट्रोलियम पदार्थको मूल्यवृद्धि हुँदा बढाइएको वस्तु तथा सेवाको मूल्य अहिले घटाए/नघटाएबारे अनुगमन गर्न लागिएको हो ।

वाणिज्य, आपूर्ति तथा उपभोक्ता संरक्षण विभागको बैठकले दैनिक उपभोग्य वस्तु तथा सेवाको मूल्य, गुणस्तर, मापदण्डलगायत विषयमा अनुगमन र कारबाही गर्ने निर्णय गरिएको हो । विभागको पछिल्लो बैठकबाट विभिन्न १० निर्णय गरिएको छ ।

“अत्यावश्यक तथा दैनिक उपभोग्य वस्तुलगायत सम्पूर्ण वस्तु तथा सेवाको मूल्य, गुणस्तरको प्रभावकारी अनुगमन गर्ने तथा कालोबजारी गर्ने, कृत्रिम अभाव र मूल्यवृद्धि गर्ने, गुणस्तरहीन, म्याद गुज्रिएका सामान बिक्री–वितरण गर्ने व्यवसायीलाई सम्बन्धित नियमनकारी निकायबाट कारबाही गर्ने,” निर्णय नम्बर ६ उल्लेख छ ।

निर्णयहरू पढ्नोस्–