काठमाडौं । भिभोले ‘भिभो वाई ५५’ स्मार्ट फोन नेपालमा सार्वजनिक गरेको छ ।
वाई सिरिजअन्तर्गतको वाई ५५ मा उत्कृष्ट फोटोग्राफी अनुभवका लागि ५० एमपीएचडी रियर क्यामेरा र एआई ट्रिपल क्यामेरा रहेको छ ।
यस्तै, आठ जीबी प्लस चार जीबी एक्सटेन्डेड र्याम २.० रहेको कम्पनीले जनाएको छ । साथै, ४४ वाट फ्ल्यासचार्ज छ ।
वाई ५५ मा १२८ जीबी ठूलो मेमोरी (जसलाई १ टीबीसम्म बढाउन सकिने) क्षमता र पाँच हजार एमएएच ब्याट्री रहेको छ ।
भिभो नेपालका सीईओ माइकलले भने, “उपभोक्ताहरूको माग र आवश्यकताहरूलाई पूरा गर्न भिभो प्रयासरत छ । यही कारणले गर्दा हामीले युवाकेन्द्रित वाई सिरिजमा सबैका लागि अत्याधुनिक विशेषताहरू प्रदान गर्ने दृष्टिकोण राखेका छौँ । हामीले वाई सिरिजका मोडेलहरूमा उपभोक्ताको प्रतिक्रिया लिएका छौँ र उनीहरूको दैनिक जीवनशैलीलाई सुहाउँदो स्टाइल र कार्यसम्पादनमा सहज तुल्याउन वाई ५५ मा विचारशील र प्रभावकारी सुधारहरू गरेका छौँ । एक्सटेन्डेड र्याम २.०, ठूलो मेमोरी, उत्कृष्ट प्रोसेसर र आकर्षक डिजाइनले यसलाई बजारमा एक योग्य स्मार्टफोन बनाएको छ ।”