काठमाडौं । काठमाडौं महानगरपालिकाका नवनिर्वाचित मेयर बालेन्द्र साह (बालेन) र उपमेयर सुनीता डंगोलले शपथ लिएका छन्  ।  

मुख्य निर्वाचन अधिकृतले आज  महानगर प्रमुखमा निर्वाचित बालेन्द्र साह (बालेन)लाई शपथग्रहण गराए भने त्यसपछि प्रमुख साहले वडाध्यक्ष र वडा सदस्य जनप्रतिनिधिहरूलाई शपथ गराए ।

राष्ट्रिय सभागृहमा हुने शपथपछि आजै प्रमुख साह र उपप्रमुख सुनीता डंगोलले कार्यालयमा पुगेर पदभार ग्रहण गर्ने कार्यक्रम तय छ ।