जनकपुरधाम । मधेस प्रदेशको सांसद पदबाट राजीनामा दिएका शेखअवुल कलाम अजाद स्थानीय चुनावमा पराजित भएका छन् ।गढीमाई नगरपालिकामा आज आएको मत परिणामअनुसार नेपाली काँग्रेसका श्यामप्रसाद यादवले उनलाई ५५८ मतले पराजित गरेका हुन् । 

यादवले आठ हजार ६३१ मत ल्याए भने पराजित अजादले आठ हजार ७३ मत ल्याएका छन् । उनी जनता समाजवादी पार्टी (जसपा) बाट उमेदवार बनेका थिए । 

यसअघि, ०७४ को स्थानीय निर्वाचनमा पनि उनी पराजित भएका थिए । त्यसपछि, रौतहट निर्वाचन क्षेत्र नम्बर ४ ‘ख’ बाट प्रदेशसभामा स्वतन्त्रबाट निर्वाचित भएपछि उनी जसपामा प्रवेश गरेका थिए ।