काठमाडौं । इन्टरनेट सेवा प्रदायक कम्पनी भायानेट कम्युनिकेसन प्रालिले आफ्ना विद्यमान अल्ट्रा–फाइ लाइनका प्रोडक्टहरूमा परिमार्जन गरेको छ ।
कम्पनीले २०० एमबीपीएसको इन्टरनेट प्याकेजको वार्षिक सदस्यता प्रतिमहिना ९९९ रुपैयाँमा पाइने जनाएको छ । १७५+ भायाटीभीसहितको बन्डल पनि ११०० प्रतिमहिनाको वार्षिक सदस्यतामा पाइने कम्पनीले जनाएको छ ।
यी दुवै योजनाहरूमा ५०० रुपैयाँ थपी डुअल ब्यान्ड राउटर, निःशुल्क जडान र प्रथम सेटअप बक्स प्राप्त गर्न सकिने जनाइएको छ ।
यस्तै, कम्पनीले दुईवटा भायाटीभीसहित २५० एमबीपीएस र तीन भायाटीभीसहित ३०० एमबीपीएस वार्षिक सदस्यता क्रमशः एक हजार २५० रुपैयाँ प्रतिमहिना र एक हजार ५०० रुपैयाँ प्रतिमहिनाको आकर्षक मूल्यमा पनि पाइने कम्पनीले जनाएको छ ।