काठमाडौं । बितेको छ दसकदेखि साहित्यिक पत्रकारितामा क्रियाशील व्यक्तित्व रोचक घिमिरेलाई, पहिलो पटक प्रदान गर्न लागिएको ‘नगेन्द्रराज शर्मा साहित्यिक पत्रकारिता पुरस्कार २०७८’ प्रदान गर्ने निर्णय गरिएको छ । 

साहित्यिक पत्रकार रामप्रसाद पन्तको संयोजकत्वमा साहित्यकारहरू किशोर पहाडी तथा देविका तिमिल्सिना सदस्य रहेको निर्णायक समितिले उक्त निर्णय गरेको हो ।

अभिव्यक्ति साहित्यिक पत्रिकाको नयाँ सम्पादकीय समूहको पहलमा बर्सेनि प्रदान गर्नेगरी यो पुरस्कार स्थापना गरिएको हो । २५ हजार नगद राशिसहितको यो पुरस्कार यही चैत २२ गते प्रदान गरिने अभिव्यक्तिका कार्यकारी सम्पादक देविका तिमिल्सिनाले बताएका छन् ।