विराटनगर । प्रदेश १ बाट राष्ट्रिय सभामा गठबन्धनका तर्फबाट नेपाली कांग्रेसका उमेदवार गोपाल बस्नेत विजयी भएका छन् । एमालेका उमेदवार गुरु बरालसँग मतभार बराबर भएपछि गोला तान्दा बस्नेत विजयी भएका हुन् ।

खुलातर्फ एमालेका बराल र गठबन्धनका बस्नेतले मतभार बराबर अर्थात ४ हजार ४८८ प्राप्त गरेका थिए । 

एमालेका प्रदेश नम्बर १ का दुई जना सांसदले बराललाई मत दिएको भए बरालको मतभार बस्नेतको भन्दा धेरै भई उनी विजयी हुने थिए । तर, दुई जना प्रदेश सांसदको मत बरालले पाएनन् । 

एमालेका ४० जना सांसदले मततान गरेपनि बरालले जम्मा ३८ मत प्राप्त गरे । एमालेको एउटा मत राप्रपालाई गयो ।  अर्को एक मत बदर भयो । एमालेकै एक जना सांसद गुलेफुन मिया मत खसाल्न नै आइनन् । उनी सरकारी कागजात किर्ते मुद्दामा फारर सूचीमा छन् । 

महिलातर्फ पनि एमालेका दुई सांसदले नेकपा एसकी उमेदवारलाई मत दिए भने अल्पसंख्यकतर्फ गठबन्धनका दुई सांसदले एमालेलाई मतदान गरे । प्रदेश नम्बर १ मा गठबन्धनका दुई उमेदवार र एमालेका एक जना राष्ट्रिय सभा सदस्यमा निर्वाचित भएका छन् ।