काठमाडौं । नेपालमा कोरोना संक्रमणका सक्रिय संक्रमितको संख्या ३० हजार नाघेको छ ।

आज ६ हजार ७३४ जनामा संक्रमित थपिएसँगै सक्रिय संक्रमितको संख्या ३० हजार ८७७ पुगेको हो ।

आज ५४७ जना डिस्चार्ज भएका छन् । कोरोनाका सक्रिय संक्रमितमध्ये आधा संख्या काठमाडौं उपत्यकाकै छन् ।

काठमाडौंमा मात्र १३ हजार ९८६ जना सक्रिय संक्रमित छन् । भक्तपुरमा १ हजार ८४६ र ललितपुरमा ३ हजार ५५५ जना सक्रिय संक्रमित रहेको स्वास्थ्य तथा जनसंख्या मन्त्रालयले जनाएको छ ।

मन्त्रालयकाअनुसार संक्रमण निको भएको दर ९५ दशमलव १ प्रतिशत रहेको छ । पछिल्लो २४ घण्टामा २१ देखि ३० वर्ष उमेर समूहका सबैभन्दा बढी १ हजार ९९७ जना संक्रमित भएका छन् ।