काठमाडौं । टोकियो ओलम्पिकका स्वर्ण धारी एथलेटिक्स खेलाडी निरज चोपडाको नाममा भारत पुनेको आर्मी स्पोर्ट्स इन्स्टिच्युट स्टेडियमको नाममा नामाकरण गरिएको छ ।

स्वर्णधारी निरजको नाममा स्टेडियमको नाम ‘निरज चोपडा आर्मी स्टेडियम’ नामाकरण गरिएको हो । निरज आर्मीको सुबेदार समेत हुन् ।

टोकियो ओलम्पिकमा निरजले पुरुषको ज्याभलिन थ्रोमा स्वर्ण पदक जितेका थिए । चोपडाले ८७.५८ मिटर थ्रो फाल्दै स्वर्ण पदक जितेका थिए ।

२३ वर्षीय निरज एथलेटिक्सबाट ओलम्पिकमा स्वर्ण पदक जित्ने पहिलो भारतीय खेलाडी समेत हुन् ।