काठमाडौं । आईसीसी यू–१९ विश्वकप खेल्न जाने नेपाली टिमको बिदाइ गरिएको छ । नेपाल क्रिकेट संघ (क्यान)ले शुक्रबार एक कार्यक्रम आयोजना गर्दै नेपाली टिमको बिदाइ गरेको हो ।

कार्यक्रममा नेपाली टिमलाई खेलकुदमन्त्री तेजुलाल चौधरी, क्यानका उपाध्यक्ष रोशन सिंह, सचिव पारस खड्का र प्रवक्ता छुम्बी लामाले बिदाइ गरेका हुन् । जनवरी १८ देखि फेब्रुअरी २ सम्म हुने प्रतियोगितामा नेपाल समूह ‘डी’ मा छ । यो समूहमा नेपालसँगै अस्ट्रेलिया, बंगलादेश र स्कटल्यान्ड छन् ।

नेपालले जनवरी १८ मा बंगलादेशविरुद्ध खेल्दै प्रतियोगिताको सुरुआत गर्नेछ । यसपछि नेपालले जनवरी २० मा स्कटल्यान्ड र २२ मा अस्ट्रेलियाविरुद्ध प्रतिस्पर्धा गर्नेछ । नेपाली महिला क्रिकेटको इतिहासमा विश्वकप खेल्ने यो पहिलो टिम हो । प्रतियोगिताको यस संसकरणमा कुल १६ टिमले प्रतिस्पर्धा गर्नेछन् ।