काठमाडौं । नेकपा एमालेको स्थायी कमिटी र संसदीय दलको बैठक बस्दैछ । स्थायी कमिटीको बैठक आज बिहान ११ बजे च्यासलस्थित तुल्सिलाल भवनमा बस्ने स्थायी कमिटी सदस्य सत्यनारायण मण्डलले जानकारी दिए ।
 
सरकारले दल विभाजनसम्बन्धि अध्यादेश ल्याउने चर्चापछि अध्यक्ष केपी शर्मा ओलीले स्थायी कमिटी बैठक डाकेका हुन् । सोमबार बेलुकी स्थायी कमिटीका नेताहरु ओली निवास बालकोट पुगेका थिए । 

त्यस्तै संसदीय दलको बैठक दिउँसो २ बजे संसद्को ल्होत्से हलमा बस्ने राष्ट्रिय सभाका सांसद खिमलाल भट्राईले जानकारी दिए । उनका अनुसार बैठकमा समसामयिक विषयमा छलफल हुनेछ । 
 
सोमबार राति अध्यक्ष ओलीले वक्तव्य जारी गर्दै पार्टी विभाजन गर्ने षड्यन्त्र भइरहेको बताएका छन् । सरकारले दल विभाजनसम्बन्धि अध्यादेश ल्याएर एमाले विभाजन गर्न खोजेको ओलीको आरोप छ । एमाले विभाजन सह्य नहुने भन्दै त्यसविरुद्ध लाग्न उनले अपिल पनि गरेका छन् ।