काठमाडौं । अनलाइन सुपर किड्स नृत्य तथा गायन प्रतियोगिता सम्पन्‍न भएको छ । ड्रिम सर्च एजेन्सीद्वारा आयोजित अनलाइन सुपर किड्स नृत्य तथा गायन कम्पिटिसन २०२० को फाइनल भएको हो ।

प्रतियोगिताको फाइनल रिजल्ट ड्रिम सर्च एजेन्सीको अफिसियल फेसबुक पेज र युट्युब च्यानलमा प्रकाशित गरिएको छ । कोरोना सङ्क्रमणका कारण भएको बन्दाबन्दीमा घरबसी प्रतियोगीले आफ्नो भिडियोमार्फत प्रतियोगितामा भाग लिएका थिए ।

प्रतियोगितामा कपन निवासी ७ वर्षीय आज्ञ थपलिया सुपर किड्स गायन किड्सका विजेता बन्‍न सफल भएका छन् । १९ वर्षीया वसुन्धरा निवासी पदम कार्की टीन्सतर्फ विजेता भए ।

यस्तै सुपर प्रिकिड्स नृत्यतर्फ विराटनगर निवासी ५ वर्षीय दिवम रखेचा विजेता भए । किड्समा बिर्तामोड निवासी ९ वर्षीय पद्मजा कार्की र काठमाडौं बूढानीलकण्ठ निवासी १३ वर्षीय सोनी लामा तमाङ विजेता भए । 

सो नृत्य र गायन प्रतियोगितामा नेपालका विभिन्‍न ठाउँबाट १६० जना चारदेखि १९ वर्षका बालबालिका सहभागी थिए । प्रतियोगितामा उत्कृष्ट ५०, ३०, २० र पाँच गर्दै टप थ्री ग्रान्ड फाइनल नतिजा सार्वजनिक गरिएको थियो ।

प्रतियोगितामा नृत्यतर्फ डीआईडी सिजन-६ र डान्स प्लसका अन्तिम प्रतिस्पर्धी सुजन मार्फा तामाङ अफिसयल निर्णयक थिए भने गायनतर्फ अफिसयल निर्णयकका रूपमा धर्मेन्द्र सेवान थिए ।

गायनतर्फ किड्समा अर्नभ वन फर्स्ट रनरअप, आशनया बिनाडी सेकेन्ड रनरअप, टिन्समा विक्रम बस्‍नेत फर्स्ट रनरअप, प्रियांकुश गौतम सेकेन्ड रनरअप भए भने नृत्यतर्फ प्रि-किड्समा सिया जोसी फर्स्ट रनरअप, दृष्टि धिमाल सकेन्ड रनरअप, किडसमा कृश तामाङ फष्ट रनरअप, साक्षी सहानी सेकेन्ड रनरअप भए । यस्तै टिन्समा ओम राजवंशी फर्स्ट रनरअप, अपूर्व कर्मचार्य सेकेन्ड रनरअप भए ।