काठमाडौं । जुम्लामा बाबुको हत्या आरोपमा छोरा पक्राउ परेका छन् । ८४ वर्षीय बाबु धन बहादुर शाहीलाई कुटपिट गरी हत्या गरेको आरोपमा कनकासुन्दरी गाउँपालिका ४ बस्ने २८ वर्षीय ऐन बहादुर शाहीलाई प्रहरीले पक्राउ गरेको हो । 

शाहीले घरायसी विवादको कारण कुटपिट गर्दा गम्भीर घाइते भएका धन बहादुरको कर्णाली स्वास्थ्य विज्ञान प्रतिष्ठान जुम्लामा उपचारको क्रममा मृत्यु भएको हो ।

यस्तै बाँकेमा ७५ वर्षीय श्रीमान लक्षीराम थारुलाई धारिलो हतियार बन्चरोले प्रहार गरी हत्या गरेको आरोपमा खजुरा गाउँपालिका ६ नयाँ गिजरा बस्ने ६५ वर्षीया मिछिया थारुलाई प्रहरीले पक्राउ गरेको छ । मिछीयाले सामान्य विवादका क्रममा एक्कासी धारिलो हतियार बन्चरोले टाउको, खुट्टा र हातमा प्रहार गर्दा लक्षीरामको मृत्यु भएको खुलेको छ ।

ईलाका प्रहरी कार्यालय धनौलीबाट खटिएको प्रहरीले उनलाई पक्राउ गरेको हो ।