काठमाडौं । कैलालीको धनगढी उपमहानगरपालिका–१९, बाइसघरस्थित मोहना नदीमा नुहाउने क्रममा बेपत्ता दुईजनाको शव सशस्त्र प्रहरीले फेला पारेको छ । सोही स्थान बस्ने १५ वर्षीय दिनेश ओझा र १६ वर्षीय आशिस बोहरा शुक्रबार दिउँसो नुहाउने क्रममा बेपत्ता भएका थिए ।

घटनाबारे जानकारी पाएपश्चात सशस्त्र प्रहरी बल नेपाल बीओपी लल्लिपुर र बीओपी फुलबारीबाट उनीहरूको खोजीकार्य लागि टोली खटिएको थियो ।

सशस्त्र प्रहरीले खोजी गर्ने क्रममा ओझाको शव डुबेकै स्थानमा फेला परेको थियो भने बोहराको शव डुबेको स्थानभन्दा केही तल फेला पारेको डीएसपी एवं सहप्रवक्ता शैलेन्द्र थापाले जानकारी दिए ।