एजेन्सी । अभिनेता रणवीर सिंह र अभिनेत्री क्याट्रिना कैफको एकसाथ स्क्रिन सेयर गर्ने इच्छा पूरा हुने देखिएको छ ।
यी दुई कलाकारले अहिलेसम्म सँगै स्क्रिन सेयर गरेका छैनन् । तर मिडियासामु भने यी दुबैले धेरैपटक सँगै कामगर्ने इच्छा व्यक्त गरिसेका छन् ।
भारतीय मिडिया पिंकभिल्लाको रिपोर्टका अनुसार निर्देशक जोया अख्तरले आफ्नो नयाँ चलचित्रमा यी दुईलाई अनस्क्रिन जोडी बनाउन लागेका हुन् ।
‘गली बोय’ निर्देशन गरेका जोया चर्चित हलिउड चलचित्र ‘द डिपार्टेड’ को हिन्दी रिमेक बनाउँदै छन् । जोयाले यसका लागि अधिकार पनि लिइसकेको बताइएको छ । हिन्दी रिमेक भए पनि यसको प्लटमा केही परिवर्तन हुनेछ ।
सन् २००६ मा रिलिज भएको यस चलचित्रले ओस्कर अवार्ड प्राप्त गरिसकेको छ । खबरका अनुसार रणवीरले चलचित्रमा अभिनेता लियोनार्डो डि क्याप्रियोले निभाएको भूमिका निभाउँदै छन् भने अभिनेत्री क्याट्रिनाको भूमिका पनि एक्सन र एडभेन्चरले भरिपूर्ण हुने छ ।
यद्यपि जोयाले भने यस विषयमा कुनै आधिकारीक जानकारी दिइसकेकी छैनन् । - नवभारत टाइम्स