एजेन्सी । ‘बाहुबली’ अभिनेता प्रभासले बहुप्रतिक्षित चलचित्र ‘प्रभास २०’ को फर्स्ट लुक जुलाई १० मा सार्वजनिक हुने भएकाे छ । यसबारे अभिनेता प्रभासले आफ्नो इन्स्टाग्राममार्फत् जानकारी दिएका हुन् ।
उनले फूलहरूले सजिएको भित्ते घडी सेयर गर्दै फर्स्ट लुक पोस्टर जुलाई १० मा ठीक बिहानको १० बजे सार्वजनिक हुने जानकारी दिएका छन् । कोरोना महामारीका कारण स्थगित भएको चलचित्र पुनः छायांकनमा जाने तयारीमा जुटेको छ ।
राधा कृष्ण कुमारको निर्देशनमा बन्न लागेको यस चलचित्र हिन्दी, तमिल र तेलुगु गरी ३ भाषामा निर्माण हुँदैछ । प्रभासका साथै चलचित्रमा पूजा हेगडे, भाग्यश्री, मुरली शर्मा, सचिन खेडेकर लगायतका कलकारको अभिनय रहनेछ ।
एक प्रेमकथामा आधारित यस चलचित्रमा प्रभास ‘फोर्चुन टेलर’को भूमिका निभाउँदै छन् ।
(इन्डियन एक्सप्रेस)