एजेन्सी । महाराष्ट्र सरकारले चलचित्र र टीभी शृङ्खला छायांकन गर्न अनुमति दिए पनि हलहरू कहिलेदेखि खुल्ने भन्ने कुरा अन्योल छ । यसका बाबजुद पनि सिनेमा चेनले चलचित्र ‘८३’ र ‘सौर्यवंशी’ हलमा फेस्टिबल रिलिज गर्ने घोषणा गरेको छ ।
एकपछि अर्को गर्दै धमाधम चलचित्रहरू अनलाइनमार्फ् रिलिज हुन थालेपछि हलहरूले यस्तो निर्णय गरेका हुन् । सोमबार मात्रै अनलाइन प्लेटफर्म डिज्नी प्लस हटस्टारले सातवटा बलिउड चलचित्र रिलिज गर्ने घोषणा
गरेपछि हल व्यवसायीहरूले पनि यस्तो घोषणा गरेका हुन् ।
सिनेमा चेन पीभीआर, आईएनओएक्स, वेब सिनेमाज र कार्निभल सिनेमाजले रोहिट शेट्टी र कबिर खान निर्देशित ‘सौर्यवंशी’ र स्पोर्टस् ड्रामा ‘८३’ हलमा रिलिज गर्ने घोषणा गरेको हो । सिनेमा चेनले चलचित्र ‘सौर्यवंशी’ दिपावली र ‘८३’ क्रिसमसमा रिलिज गर्ने तय गरेको हो ।
चलचित्र ‘८३’ १९८३ मा कपिल देवको क्यापटेनसिपअन्तर्गत भारतले पहिलो क्रिकेटमा वर्ल्ड कप जितेको इतिहासबारेमा छ । चलचित्रमा रणवीर सिंह, दीपिका पादुकोण, हार्डी सन्धु, ताहिर भसिन, साकिब सलिमलगायत कलाकारको अभिनय छ ।
यस्ता छन्, डिज्नी प्लस हटस्टारमा रिलिज हुने बलिउड चलचित्र
यस्तै अभिनेता अक्षय कुमारको मुख्य भूमिका रहेको ‘सौर्यवंशी’ मा कट्रिना कैफ, गुल्सन ग्रोवर, अभिमन्यु सिंह, ज्याकी श्राफलगायत कलाकारको अभिनय छ । (इन्डियन एक्सप्रेस)
