एजेन्सी । लकडाउनका कारण स्थगित भएको विक्की कौशल अभिनित चलचित्र ‘सरदार उधम सिंह’ को पोस्ट–प्रोडक्सनको काम पुनः सुरु भएको छ ।
महाराष्ट्र सरकारले संक्रमण नभएको सीमित क्षेत्रमा चलचित्र र टिभी छायांकन गर्न अनुमति दिएसँगै चलचित्रका निर्देशक सुजित सरकारले काममा फिर्ता जाने निर्णय लिएका हुन् ।
निर्देशक सुजित सरकारले ट्विट गर्दै यही जुन ८ तारिखदेखि रोकिएको काम सुरु गर्न लागिएको जानकारी दिएका हुन् ।
प्रकृतिको संकेत मानेर हामी द्रुत गतिबाट मन्द गतिमा आयौं, अब फेरि खबर आएको छ, निकै उत्साहित छौं, फेरि सुरु गर्ने भोकलाई सावधानी अपनाउँदै चलचित्रको पोस्ट–प्रोडक्सनमा जान लागेको उनले जानकारी दिएका हुन् ।
अक्टोबरमा रिलिज मिति तोकेर छायांकनमा गएको यस चलचित्रको रिलिज मिति हेरफेर बारे भने कुनै जानकारी आएको छैन ।
लकडाउनपछि पोस्ट–प्रोडक्सनको काममा फर्किने पहिलो निर्देशक सरकारको अर्को चलचित्र ‘गुलाबो सिताबो’ पनि यही जुन १२ मा एजेमोन प्राइममा रिलिज हुँदैछ ।
(इन्डियन एक्सप्रेस)
