स्वीडेन । युरोपका अधिकांश मुलुकहरु नोभेल कोरोना भाइरसको प्रकोपका कारण मानिसहरुको आवतजावतमा प्रतिबन्ध लगाइएका छन् । युरोपका इटाली, स्पेन र फ्रान्स सबभन्दा बढी प्रभावित भएका छन् । त्यहाँ रेस्टुरेन्ट, बार र सार्वजनिक स्थललगायतहरु बन्द छन् भने मानिसहरुलाई घरबाट बाहिर निस्किन प्रतिबन्ध लगाइएको छ । 

तर, स्वीडेनले कोरोना रोक्‍नका लागि लकडाउन लगाउने विषय अस्वीकार गरिएको छ । स्वीडेनमा कोभिड-१९ का लागि स्वयंसेवी गतिविधि अघि बढाइने बताएको छ । 

स्वीडेनले लकडाउन अस्वीका गर्ने विवादित कुराले अमेरिकी राष्ट्रपति डोनाल्ड ट्रम्पको ध्यानाकर्षण गरेको छ । यसअघि ट्रम्पले भनेका थिए, "स्वीडेनले निकै खराब समय व्यहोर्नुपर्नेछ ।" 

तर, स्वीडेन सरकारले आफ्नो नीतिले काम गर्ने दाबी गरेको छ । स्वीडेमा विदेशमन्त्री एन लिन्डेले ट्रम्पले 'पूर्णत: गलत' भनेको बताइन् । स्वीडेनले हर्ड इम्युनिटी थेरो अवलम्बन गरेको उनले बताइन् । उनले मुलुकको जनसंख्या कोरोनाविरुद्ध इम्युनिटी निर्माण गर्ने बताइन् । उनले भनिन्, "हाम्रा नागरिक निकै जिम्मेवार छन् । त्यसकारण लकडाउन जारी गर्दैनौं ।" 

स्वीडेनमा हालसम्म ९ हजार १४१ कोरोना संक्रमित छन् भने ७९३ जनाको मृत्यु भएको जोन हप्किन्स विश्वविद्यालयले जनाएको छ । - सीएनएन