चितवन । चितवन राष्ट्रिय निकुञ्जमा आर्थिक वर्ष ०७६/७७ मा १ लाख ३० हजार ३ सय ९२ पर्यटकले भ्रमण गरेका छन् । 

निकुञ्जले दिएको जानकारी अनुसार आवको साउनमा ९ हजार ५ सय १०, भदौमा ७ हजार ४ सय ९८, असोजमा १५ हजार ५ सय ४४ पर्यटकले निकुञ्ज भ्रमण गरेका थिए । यस्तै कात्तिकमा ३६ हजार ७ सय ३९, मंसिरमा ३० हजार २ सय ७५ र पुसमा ३० हजार ८ सय ४४ जनाले निकुञ्ज भ्रमण गरेका छन् ।

आव ०७५/७६ मा आन्तरिक र बाह्य गरी १ लाख ८७ हजार १ सय ९ जना पर्यटकले निकुञ्ज भ्रमण गरेका थिए भने आव ०७४/७५ मा १ लाख ५२ हजार ६ सय ७१ पर्यटकले निकुञ्ज भ्रमण गरेको तथ्यांक छ ।
आन्तरिकभन्दा विदेशी पर्यटक बढी
राष्ट्रिय निकुञ्जमा ६ महिनाको अवधिमा आन्तरिकले भन्दा बढी विदेशी पर्यटकले भ्रमण गरेका छन् । निकुञ्जको तथ्यांकअनुसार सो अवधिमा ५९ हजार १९ जनाले निकुञ्जको भ्रमण गरेका थिए । विदेशी पर्यटक ७१ हजार ३ सय ७३ जना छन् । यसमध्ये ११ हजार ९ सय ६ जना सार्क राष्ट्रका पर्यटक रहेका छन् भने बांँकी अन्य मुलुकका रहेका छन् ।

आव ०७५/७६ मा २४ हजार ८ सय ३२ सार्क राष्ट्र र अन्य मुलुकका १ लाख १७ हजार ६ सय ५४ गरी १ लाख ४२ हजार ४ सय ८७ विदेशी पर्यटक र ४४ हजार ६ सय २३ स्वदेशी पर्यटकले निकुञ्ज सफारी गरेका थिए ।
यस्तै आव ०७४/७५ मा सार्क राष्ट्रका १९ हजार ६ सय ९६ ,अन्य मुलुकका ९८ हजार ९ सय २५ गरी १ लाख १८ हजार ६ सय २१ विदेशी र ३४ हजार ५० स्वदेशी पर्यटकले निकुञ्जको भ्रमण गरेका थिए ।
१६ करोड ६२ लाख राजस्व संकलन
निकुञ्जले बाह्य र आन्तरिक पर्यटक गरी जंगल सफारी गरेबापत ६ महिनाको अवधिमा १६ करोड ६२ लाख ९ हजार ७ सय ८३ रुपैयांँ राजस्व संकलन गरेको छ । गत आव ७५, ०७६ मा २९ करोड १० लाख ९७ हजार रुपैयाँ राजस्व संकलन भएको थियो । आव ०७४÷७५ मा २४ करोड ८२ लाख रुपैयाँ राजस्व संकलन भएको थियो  । अघिल्लो आव ०७३÷७४ मा २२ करोड ७१ लाख ६३ हजार ४ सय १ रुपैयांँ राजस्व संकलन भएको निकुञ्जले जानकारी दिएको छ । 

निकुञ्जले प्रवेश टिकट, पर्यापर्यटन (वन क्षेत्रको आय), प्रशासनिक दण्ड–जरिवाना–जफत, न्यायिक दण्ड–जरिवाना र जफतबाट र अन्य प्रशासनिक शुल्कबाट राजस्व संकलन गर्दै आएको छ । चितवन निकुञ्ज सफारीका लागि १० नाका छन् । यीमध्ये सौराहा प्रमुख नाका मानिन्छ । निकुञ्ज घुम्ने ९० प्रतिशत पर्यटक सौराहा नाकाबाट भित्रिने गर्छन् ।