काठमाडौं ।   जेठ  २९ देखि  असार १४ गतेसम्म  बत्तीसपुतलीस्थित शिल्पी थिएटरमा नाटक 'डल्ले खोला' मञ्चन हुने भएको छ ।  नाटक परशु  प्रधानद्वारा लिखित कथा 'डल्ले खोला' मा आधारित रहेर बनेको छ । 

रंगकर्मी वेदना राईको  परिकल्पना तथा निर्देशन रहने नाटकलाई एक थिएटर नेपालले  प्रस्तुत गरेको  छ ।  

नाटकमा  उमेश सुनम , सरोज खालिङ राई,अमित मगर ,रञ्जना नेपाली , रचना मगर, रेजिना राई,  सुहाङ थुलुङ राई , स्वर्णिम चाम्लिङ राई जओसन गुरुङ , पुष्पाञ्जली तिलिङ लिम्बु,  रमिता राई, आकाश सुहाङ लिम्बु,अन्जना थुलुङ राई, नुमा राई , प्रिटी चाम्लिङ राई, युगल श्रेष्ठ लगायतका कलाकारको अभिनय हुनेछ ।

उक्त नाटकमा डेभिड सुवेदि र प्रवृति राईको  म्युजिक  डिजाइन, रुपेश लामाको  सेट डिजाइन , मणि के राई र  मुस्कान राउतको कोर्योग्राफि र सञ्जीव योगीको लाइट डिजाइन रहने छ ।

डल्ले खोला परशु प्रधानद्वारा रचित कथा हो । यस कथालाई नेपाल सरकार, शिक्षा, विज्ञान तथा प्रविधि मन्त्रायल अन्तर्गत पाठ्यक्रम विकास केन्द्र, सानोठिमी, भक्तपुरद्वारा प्रकाशित कक्षा ८ को नेपाली विषयको पाठ्यपुस्तकमा समावेश गरिएको छ ।  यस कथाले विशेष रुपमा समाजमा भइरहेको विकृति र विसंगतिका सन्दर्भमा व्यंग्यात्मक शैलीमा गम्भीर रुपले आवाज उठाउने छ  ।

नाटक जेठ २९ देखि असार १४ सम्म  हरेक दिन दिउसो ५:१५ बजे र शनिबार अतिरिक्त १ बजे पनि मञ्चन हुनेछ भने मंगलबार भने बिदा रहनेछ  ।