काठमाडौं । नेपाली सेनाको व्यवस्थापनमा निर्माण भइरहेको काठमाडौँ–तराई मधेश द्रुतमार्ग निर्माण कार्य द्र्रुत गतिमा जारी छ । तोकिएको समयमा सम्पन्न गर्ने लक्ष्यका साथ नेपाली सेनाले निर्माण नेतृत्व गरेको हो । तराईलाई काठमाडौँ जोड्ने सबैभन्दा छोटो मार्गका रुपमा निर्माण भइरहेको आयोजनाको सुरुङ र पुलबाहेकको भौतिक प्रगति ८० प्रतिशत नजिक रहेको सेनाले जानकारी दिएको छ । जसका लागि सेनाले विभिन्न १० स्थानमा बेसक्याम्प निर्माण गरेर काम गरिरहेको छ ।

नेपाली सेनाले सडकतर्फको सबै काम चालु आर्थिक वर्षभित्रै सक्ने जनाएको छ । कालोपत्र गर्न मिल्ने सडक यही असार मसान्तभित्रमा सक्नेगरी प्याकेज निर्माण कार्य जारी छ । सेनाले सुरुङमार्ग र पुल निर्माणका लागि प्रक्रिया शुरु गरिसकेको छ । कुल लम्बाइ मध्ये ५५.५२ किलाेमिटर सडकमार्ग पर्दछ । जसकाे ३१  किलाेमिटर  हिस्साकाे ८८ प्रतिशत र बाँकी खण्डकाे ८० प्रतिशत काम सकिएकाे सेनाले जनाएकाे छ । 

प्रस्तुत छ, सोही सडकमार्गको निर्माणकार्य निरीक्षणका क्रममा लिइएका तस्बिरहरु