काठमाडौं । बलिउड सुपरस्टार सलमान खानले आफ्नो ५३ औं जन्म दिन मनाएका छन् । सलमानले जन्म दिनमा केके काट्दै गरेको तस्बिर भारतीय सञ्चार माध्यमहरुले राखेका छन् । 

अभिनेत्री सुस्मिता सेनले सेयर गरेको भिडियोमा सलमानले डान्स समेत गरेका छन् । हरेक वर्ष झैं सलमानले यो वर्ष पनि आफ्नो परिवारका सदस्य तथा नजिकका साथीको उपस्थितीमा जन्म दिन मनाएको टाइम्सनाउन्युज डटकमले जनाएको छ । कट्रिना कैफ, अनिल कपुर, सोनाक्षी सिन्हा, कृति सेनन लगायत सलमानको जन्म दिन मनाउन पुगेका थिए ।

५३ वर्ष पुगिसक्दा पनि अविवाहित सलमानले बलिउडलाई दर्जनौं सुपरहिट चलचित्र दिएका छन् । 

‘बडिगार्ड’, ‘बाजिगर’, ‘एक था टाइडर’, ‘दवङ’, ‘दवङ–२’, ‘किक’, ‘बजरंगी भाइजान’, ‘सुल्तान’, ‘प्रेमरतन धन पायो’ बलिउडका उम्दा नायक सलमानका हिट चलचित्र हुन् ।