काठमाडौं । भारतीय राष्ट्रिय कांग्रेसका उपाध्यक्ष राहुल गान्धीलाई मानहानि मुद्दामा त्यहाँको भिवन्डी अदालतले बुधबार जमानत दिएकोे समाचार संस्था नवभारत टाइम्सको अनलाइन संस्करणले जनाएको छ ।

मंगलबारै भिवन्डी पुगेका गान्धी बुधबार अदालतमा उपस्थित भएका थिए । मुद्दाको अर्को सुनुवाइ २८ जनवरीमा हुने बताइएको छ ।  

राहुल गान्धीले सन् २०१४ को ६ मार्चमा एक चुनावी सभाका क्रममा आरएसएसले महात्मा गान्धीको हत्या गरेको बताएका थिए ।

आरएसएस भारतको सत्तारुढ दल बिजेपी नजिकको धार्मिक संगठन हो ।

गान्धीका अभिव्यक्तिविरुद्ध भारतको राष्ट्रिय स्वयंसेवक संघ (आरएसएस) सँग आबद्ध राजेश कुन्टे नाम गरेको व्यक्ति राहुल गान्धीलाई मानहानिको मुद्दा दर्ता गराएका थिए ।