काठमाडौं । अमेरिकी प्रथम महिला मिसेल ओबामाविरुद्ध फेसबुकमा नश्लभेदी कमेन्ट गरेकी भर्जिनिया राज्यको क्ले काउन्टीमा पर्ने एक सहरकी मेयरले राजीनामा दिएकी समाचार संस्था एएफपीले जनाएको छ ।

पामेला रमजे टेलर नाम गरेकी एक गैरनाफामूलक संस्था चलाउने महिलाले फेसबुक स्टाटस पोस्ट गर्दै मिसेललाई ‘एप अर्थात् वनमान्छे (पुच्छर नभएको एक बाँदरको प्रजाति)’ को संज्ञा दिएकी थिइन् ।

त्यसपछि मेयर बेभर्ली ह्वेलिङले यसप्रति प्रतिक्रिया दिँदै ‘पामिला, तिमीले मेरा दिन बतायौ’ भनेर कमेन्ट गरेकी थिइन् । 

फेसबुकमा भएको उक्त नश्लभेदी पोस्टमा कमेन्ट गरेपछि विवादमा मेयर पनि तानिएकी थिइन् । स्थानीय टेलिभिजन डब्लुएसएजेडले उनले राजीनामा दिएको पुष्टि गरेको छ ।

बृद्ध तथा गरिबका लागि काम गर्ने संस्थाक्ले काउन्टी डेभलपमेन्ट गु्रपकी निर्देशक पामेला रामजे टेलरले भने यसअघि नै पदबाट राजीनामा दिइसककेको बताइएको छ । 

‘ह्वाइट हाउसमा परिस्कृत, सुन्दर, सम्मानित प्रथम महिला उपस्थितिले आनन्दित गराउनेछ । म एक हिल लगाउने ढेडु देखेर थाकिसकेकी छु,’ पामेला रामजे टेलरले फेसबुकमा लेखेकी थिइन् । बेभर्ली ह्वेलिङ ४९१ जनसंख्या भएको क्ले काउन्टीभित्रको एक सानो सहरको मेयर थिइन् ।