काठमाडौं । अमेरिकाका नवनिर्वाचित राष्ट्रपति डोनल्ड ट्रम्प र रसियाका राष्ट्रपति भ्लादिमिर पुटिनबीच टेलिफोन कुराकानी भएको बीबीसीले जनाएको छ ।

उक्त कुराकानीका क्रममा उनीहरू बीच सिरिया र दुइ देशकाआपसी हितका विविध विषयमा  छलफल भएको बताइएको छ । 

कुराकानीपछि रसियाले जारी गरेको बिज्ञप्तिमा उनीहरूले रुस—अमेरिका सम्बन्धलाई सामान्य’ बनाउने प्रयास गर्ने बताइएको छ । 

कुराकानीका क्रममा पुटिनले ट्रम्पले उनको चुनावी प्रतिवद्धता दृडतापूर्वक लागु गर्न शुभकामना दिएको बताइएको छ ।

बताइएअनुसार पुटिनले ट्रम्पसँग ‘बराबरीको सिद्धान्त को आधारमा’ नयाँ प्रशासनसँग वार्ताको सुरुआत लागि तयार रहेको बताएका छन् ।

रसियाकाअनुसार पुटिन र ट्रम्प एक अर्काबीच फोन सम्पर्कमा रहन समेत सहमत भएका छन् । साथै उनीहरूबीच भविष्यमा कुराकानी गर्न सहमति पनि जनाएका छन् ।